Leo ulimwengu unaadhimisha Siku ya Bahari Duniani - siku iliyotengwa kusherehekea viumbe hai majini na kuhamasisha jamii kuhusu hatari inayowakabili viumbe hao. Bahari ni makaazi ya karibu viumbe 200,000 vya majini waliyotambuliwa. Lakini wanasayansi wanashuku huenda kuna mamilioni ya viumbe hao chini ya maji. Kwa mujibu wa Umoja wa Mataifa UN, karibu 40% ya mazingira ya bahari duniani imeathiriwa pakubwa na shughuli za binadamu ikiwemo uvuvi,ambazo zinahatarisha maisha ya viumbe hai wa kipekee wanaokabiliwa na tishio la kuangamia.